Tuloy na ang mga paghahanda ng Commission on Elections (Comelec) para sa Barangay at Sangguniang Kabataan Elections.

Ito’y sa harap ng pagsusulong ng ilang grupo na muli na namang i-postpone o ipagpaliban ang Barangay a SK Elections na nakatakda sa Disyembre.

Ayon kay Comelec Spox Atty. John Rex Laudiangco, kakailanganing may maipasang batas na mag-aatas sa Comelec na ipagpaliban ang eleksyon.

Kung wala nito, sinabi ng opisyal na tuloy lamang ang Comelec sa kanilang paghahanda, lalo’t may 6 na buwan pa para paghandaan ito.

Una nang sinabi ng Comelec na kadalasan ay mas mataas pa ang tensyon sa barangay elections, dahil ang magkakalaban ay kadalasang magkakapit-bahay o magkakamag-anak.

Ulat ni Julius Gonzales RP1